sanadkaan. Dagaalkaan wuxuu dhibaato weyn gaarsiiyay waxbarashada wuxuuna habacsanaan galiyay qorsho sanadeedkii waxbarashada ee sanad-dugsiyeedkaan 2016/2017, waxaana ilaa hadda ka khasaaray ardada 6 toddobaad oo waxbarasho ah taasoo u dhiganta 180 xisadood fasalkiiba.
Ardada waxaa daabuurka kula hadlay maamulka iyo macallimiinta
iyagoona ereyo dejin, niyad dhisid iyo rajo soo celin ahba kula hadlay ardada.
Maamulaha dugsiga mudane C/casiis Maxamed Aadan oo la hadlayay
ardada ayaa u sheegay in maamulka iyo macallimiintaba dadaal xoogan u geli
doonaan sidii ay usoo kabi lahaayeen waqtiga lugamay.
“Shirkii shalay aan wada yeelanay macallimiinta waxaan diiradda ku
saarnay sidii aan usoo kabi lahayn waqtiga idiinka lumay, waxaana soo saarnay
go’aamo haddii Alle idmo miradhal noqon doona dibna usixi doona qorsho
sanadeedkii waxbarashada ee dagaaladu habacsanaanta geliyeen” ayuu yiri
maamulaha oo hadalkiisa sii wata.
Dhamaan macallimiintii meesha ka hadashay waxay ardada u sheegeen inay
dadaal xoogan bixin doonaan ayna huri doonaan waqtiyo dheeraad ah si loo dhameystiro muqararada.
Ardada oo tiradooda yarayd waxaa wajiyadooda laga dheehanay sida
ay ugu xiisa qabaan inuu dib usoo laabto nidaamkoodii waxbarasho, waxaana aad
usoo jiitay bilicda dugsiga oo dayactir iyo rinjiyayn lagu sameeyay.
Xilligaan oo kale ayay ahayd sanadkii hore markii dagaal sidaan oo
kale ah uu ka qarxay magaalada laakiinse waqtigiisa koobnaa, hase yeeshee
dagaalkaan ayaa ah mid waqti dheer qaatay kaasoona caqabad weyn ku ah bahda
waxbarashada oo ah qolada ugu nugul xilliga colaadda.
Waxaan Allaah ka baryaynayaa in colaadda umadda ka dulqaado uuna
ka dhigo kuwa is jecel oo ul iyo diirkeed isu noqda.
 |
| Shirka maamulka iyo macallimiinta |
 |
| Shirka maamulka iyo macallimiinta |
 |
| Bilicda Dugsiga |